೧
ಅದೆಷ್ಟು ಕನಸುಗಳನು
ಹೂತ್ತಿಟ್ಟೆ
ನನ್ನೆದೆಯೊಳಗಿಳಿದು...
ಬಣ್ಣವಿಲ್ಲ, ರೂಪವಿಲ್ಲ
ಬಲೆಗೆ ಬಿದ್ದ
ಹೆಬ್ಬುಲಿಯಂತೆ
ಕನಲುತ್ತಿದ್ದೇನೆ
೨
ಯಾರೋ ಕೂಗಿದ ಸ್ವರ
"ಹೆಣ ಹೆತ್ರಪ್ಪಾ, ಹೊತ್ತಾತು"
ಹೆಸರಿದ್ದವ; ಜತೆಯಲಿದ್ದವ
ಪ್ರೀತಿಸಿದವ
ಸತ್ತ ಮರುಗಳಿಗೆಯಲಿ
ಹೆಣವಾದನೆಂದು
ಮನಸು ಮರುಗಿತು
೩
ಅಲ್ಲೊಬ್ಬ ವ್ಯಕ್ತಿ
ಕುರುಚಲು ಗಡ್ಡ, ಗಿಡ್ಡ ದೇಹ
ಗುಳಿ ಸೇರಿದ ಕಣ್ಣು
ಬಾಗಿದ ಬೆನ್ನು, ಮೂಳೆಗಳೆಲ್ಲ
ಮೈ ಸೀಳಿ, ಹೊಟ್ಟೆ ಬೆನ್ನಿಗಂಟಿದೆ
ಬೀಸಾಡಿದ ಕಸ, ಕಾಗದ
ಪ್ಲಾಸ್ಟಿಕ್ ಚುರುಗಳನು
ಆಯ್ದು, ಹೊತ್ತು ಸಾಗಿದ್ದಾನೆ
ಯಾವ ಕಡೆಗೋ, ಯಾವ ದಿಕ್ಕಿಗೋ
೪
ತಾವಿಲ್ಲದೆ, ಸೂರಿಲ್ಲದೆ
ಬಳಲಿದ ಅಲೆಮಾರಿ ನಾನು
ಬೆಚ್ಚಗೆ ನಿನ್ನೊಳಗಿಳಿದು
ಯಾವುದೋ ಹುಡುಕಾಟ
ನಡೆಸುತ್ತಿದ್ದೇನೆ
ನೀನು ನಭವನ್ನೇ ದಿಟ್ಟಿಸುತ್ತಿದ್ದಿ
ಗುಡುಗು, ಸಿಡಿಲಿಗೆ
ಮೋಡ ಚದುರಿ
ಭೂವಿಗೆ ಇಳೆ ತರುವ ಕಾಯುವಿಕೆಯಲಿ...
ನಾನೋ...
ಸಮುದ್ರದಲೆಗಳು ಅಪ್ಪಳಿಸುವಂತೆ
ನಿನ್ನೊಳಗೆ ಮತ್ತೂ...
* * *
ಗೆಜ್ಜೆಯ ಸದ್ದು ಕಳಚಿ ಬಿತ್ತು!